عراق نزیکەی ٥٠٠٠ تووشهاتن و ٢٧ مردن وە کۆڕۆنا تۆمار کەێد
2021-05-25T14:24:31+00:00
شەفەق نیوز/ وەزارت تەندروسی وژینگەی عراق، ئمڕوو سێشەممە، نزیکەی ٥٠٠٠ تووشهاتن نوو وە ڤایڕۆس کۆڕۆنا لەماوەی ٢٤ ساعەت گوزەیشتە لە گشت ناوچە و شارەیل وڵاتەگە تۆمار کرد.
وەزارەتەگە لە بەیاننامەی هەڵوێست پەتاگە وت: ٤٩٣٨ تووشهاتن نوو وە ڤایڕۆس کۆڕۆنا تۆمار کرد، وەگەرد ٤٢٧٩ خاسەوبوین لە پەتاگە، تا گشت ژمارەی خاسەوبویەکان بڕەسێدە ١٠٩٠٨٩١.
وەزارەتەگە وتیش؛ ٢٧ بیمار لەوەر ڤایڕۆسەگە لەماوەی ٢٤ ساعەت گوزەیشتە مردن، تا گشت ژمارەی مردنەیل بوودە ١٦٢٤١.
