عراق لە تاوسان دەرچوود و پیشوازی لە سەردی وەرجەوەختیگ کەێد
شەفەق نیوز/ پێشبینکار کەشناسی عەلی زەیادی، ئمڕوو دووشەممە، ئاشکرای مەوقەی دەرچگن عراق لە وەرز سویەر تاوسان لە سەرەتای هەفتەی ئایندە کرد، و مەزەنە کرد شەپۆل سەرد وەرجەوەختیگ لەی ساڵە باێد.
زەیادی ئەرا ئاژانس شەفەق نیوز وت: لە هەفتەی ئایندە گشت شارەیل عراق چنە ناو کەشوهەوای نیمچە پاییزی، ک مەزەنەی داوەزین گەرمیەگە لە گشت ناوچەیلە کرد، و هەمیش داوەزین پلەییگ لە گەرمیەگە وەگەرد چالاکی ئاشکرایک لە هەواگە لە رووژ پەنجشەممە و جمعەی ئایندەو.
وتیش؛ داوەزین گەرمیەگە ئەوەسا ئاشکرا و وەرچەو بوود لە هەفتەی ئایندە، و شایەت پلەی گەرمی لە ناوچەیل ناوڕاس بکەفێدە پای سیەکان، و لە ناوچەیل باکوور و خوەرئاوا لە ٣٥ کەمتر بوود، و لە شارەیل باشوور لە چلەکان کەمتر بوود.
زەیادی وتیش؛ پلەی گەرمی لە شەوەکیان وەی ئەرا یەکەم جارە لە چەن مانگیگ گوزەیشتە کەفێدە خوار بیسەیلە، و هەس وە داوەزین وەرجەوەختیگ لەی ساڵە کریەێد.
