عراق... کۆشکەگەی سەدام کەێدە مۆزەخانە
شەفەق نیوز/ بەش فەرمانگەی کۆشک کۆنفراسەیل لە وەزارەت روشنهویری، ئمڕوو پەنجشەممە، راگەیان دەسکردنە وە رێکارەیل ئاڵشتکردن کۆشک سەرۆکایەتی لە پارێزگای بابل ئەرا مۆزەخانە، دیاریکرد لە گرنگترین داواکاریەیل نوێژەنکردن بیناگەس جویر ئامادەکاریگ ئەرا ئاڵشتکردنی.
یەیش لە رێنمایەل وەزیر رووشنهویری و گەشتوگوزار و شوینەوەر حەسەن نازم، هاتییە، وە قسەی وەریەوبەر فەرمانگەگە مونتەسەر سەباح حەسناوی ک ئارا ئاژانس شەفەق نیوز دووپاتکرد، " شاندیگ دانریایە وە سەرۆکایەتی سەرۆک دەسەی شوینەوار و شمارەیگ وەرێەوبەرەیل ک لە وەزارەتەگە کارکەن، چەو وەپیکەفتنیگ وەگەرد پارێزگار بابل عەلی وەعەد عەلاوی رێکخستن ئەرا وەدویاچگن داواکاریەیل ئاڵشتکردن کۆشک سەرۆکایەتی ئەرا مۆزەخانەیگ شوینەواری ک وەگەرد شار شوینەوار بابل گونجیەێد".
وتیش:" بیناگە لە گوزەشتە کۆشک سەرۆکایەتی بوی لە مەوقەی رژێم گوزەشتە، ئیرەنگە ئاڵشتکریەێد ئەرا مۆزەخانەیگ تایبەت وە نمایشکردن شوینەواریل دێرین بابلی وە یەش پێویست وە دوارە نووکردن بیناگە دیرێد ک بگونجێد وەگەرد پێشانگای تایبەت وە شوینەواری".
وتیش، " بینای کۆشکەگە لەوەر فەرامووشکردنی زەرەد دیە، و پێویستە کەلوپەل تایبەت وە نمایشکردن شوینەوارەیل ئامادەبکریەێد، و لێکۆلینەوە لە داواکاریەیل کریایە، و کۆمپانیایەیل راسپێریانە ئەرا ئاڵشتکردن کۆشکەگە ئەرا مۆزەخانە و دابینکردن پێداویستیەیل".
