کەشوهەوای عراق لەی چوار رووژ بانانە
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو شەممە، لە ناوچەی ناوڕاس رووشنە وەگەرد لەکە ئەوریگ، و پلەی گەرمی نزیک رووژ وەرجە خوەیە، و لە ناوچەی باکوور نیمچە ئەورە جاروبار وارانە لە بەشەیل خوەرهەڵاتی، و شەوەکی تەم دروس بوود کەمکەم نیەمینێد، و لە ناوچەی باشوور رووشنە تا نیمچە ئەورە، و پلەی گەرمی جویر خوەی مینێد.
وتیش: رووژ یەکشەممە، لە ناوچەی ناوڕاس و باکوور رووشنە کەمکەم بوودە ئەو تەواو، و لە ناوچەی باشوور رووشنە و پلەی گەرمی لە گشت وڵاتەگە نزیک رووژ وەرجە خوەیە.
دیاری کرد کە رووژ دووشەممە، لە ناوچەی ناوڕاس و باکوور نیمچە ئەورە تا ئەور تەواوە، و پلەی گەرمی نزیک رووژ وەرجە خوەیە، و لە ناوچەی باشوور نیمچە ئەورە، و پلەی گەرمی کەمیگ بەرزەو بوود.
دەسەگە وتیش: کەشوهەوای وڵاتەگە ئەرا رووژ سێشەممەی ئایندە، لە گشت وڵاتەگە نیمچە ئەورە تا ئەور تەواوە، و پلەی گەرمی کەمیگ بەرزەو بوود.
