کەشوهەوای عراق لەی هەفتە.. نمە وارانیگ و داوەزیان پلەی گەرمی
2023-09-10T09:04:55+00:00
شەفەق نیوز/ دەسەی کەشناسی عراق، ئمڕوو یەکشەممە، کەشوهەوای وڵاتەگە لەی چوار رووژ بانانە بڵاو کرد، و باس نمە وارانیگ و داوەزیان پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو دووشەممە، لە گشت وڵاتەگە خوەر و رووشنە و پلەی گەرمی کەمیگ داوەزێد.
وتیش؛ رووژ سێشەممە، لە ناوچەی ناوڕاس رووشنە و لە بەشەیل خوەرئاوای وەشەو بوودە نیمچە ئەور، و لە ناوچەی باکوور رووشنە و وەشەو بوودە نیمچە ئەور، و لە ناوچەی باشوور رووشنە، و پلەی گەرمی لە گشت وڵاتەگە نزیک رووژ وەرجە خوەیە.
وتیش؛ رووژ چوارشەممە، لە ناوچەی ناوڕاس رووشنە وەگەرد لەکە ئەوریگ، و لە ناوچەی باکوور نیمچە ئەورە وەگەرد نمە وارانیگ، و لە ناوچەی باشوور رووشنە، و پلەی گەرمی لە گشت وڵاتەگە نزیک رووژ وەرجە خوەیە.
بەیانامەگە وتیش؛ کەشوهەوای رووژ پەنجشەممەی ئایندە، لە گشت وڵاتەگە خوەرە، و پلەی گەرمی نزیک رووژ وەرجە خوەیە.
