کەشوهەوای عراق تا کۆتایی هەفتە.. خوەڵوتووز و بەرزەوبوین گەرمی
2023-05-10T08:44:36+00:00
شەفەق نیوز/ دەسەی کەشناسی عراق، ئمڕوو چوارشەممە، مەزەنەی کەشوهەوای وڵاتەگە لەی رووژەیل بانانە کرد، و باس هەڵسان خوەڵوتووز لە سووەو کرد.
دەسەگە لە بەیاننامەیگ رەسیە ئاژانس شەفەق نیوز وت: سوو پەنجشەممە، کەشوهەوای ناوچەی ناوڕاس و باشوور نیمچە ئەورە، و لە ناوچەی باکوور نیمچە ئەورە و جاروباریش ئەور تەواوە، و پلەی گەرمی لە گشت وڵاتەگە کەمیگ بەرزەو بوود.
وتیش: رووژ جمعە، لە ناوچەی باکوور و ناوڕاس رووشنە وە شەو بوودە نیمچە ئەور، و لە ناوچەی باشوور نیمچە ئەورە، و پلەی گەرمی لە گشت وڵاتەگە کەمیگ لە رووژ وەرجە خوەی بەرزترەو بوود.
بەیاننامەگە وتیش: رووژ شەممەی ئایندە لە گشت وڵاتەگە رووشنە وەگەرد لەکە ئەوریگ، و پلەی گەرمی لە بەشەیل ناوڕاس و باکوور چەن پلەیگ داوەزێد، و لە ناوچەی باشوور نزیک رووژ وەرجە خوەیە.
دیاری کرد ک رووژ یەکشەممە لە هەفتەی ئایندە، کەشوهەوا لە گشت وڵاتەگە رووشنە وەگەرد لەکە ئەور، و پلەی گەرمی کەمیگ لە رووژ وەرجە خوەی نزمترە.
