کەشوهەوای عراق تا کۆتایی ئی هەفتە
2023-09-18T07:37:51+00:00
شەفەق نیوز/ دەسەی کەشناسی عراق، ئمڕوو دووشەممە، مەزەنەی کەشوهەوای وڵاتەگە لەی چوار رووژ بانانە بڵاو کرد، و باس بەرزەبوین کەمیگ لە پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو سێشەممە، خوەر و رووشنە و پلەی گەرمی نزیک رووژ وەرجە خوەیە.
وتیش: رووژ چوارشەممە، لە ناوچەی ناوڕاس و باکوور رووشنە، و لە ناوچەی باشوور رووشنە وەگەرد لەکە ئەوریگ، و پلەی گەرمی لە گشت وڵاتەگە نزیک رووژ وەرجە خوەیە.
وتیش: رووژ پەنجشەممە، لە گشت ناوچەیل وڵاتەگە رووشنە وەگەرد لەکە ئەوریگ، و پلەی گەرمی لە بەشەیل ناوڕاس و باکوور کەمیگ بەرزەو بوود، و لە بەش باشوور وڵاتەگە نزیک رووژ وەرجە خوەیە.
دەسەگە وتیش: کەشوهەوای رووژ جمعەی ئایندە، لە گشت وڵاتەگە رووشنە، و پلەی گەرمی لە گشت وڵاتەگە نزیک رووژ وەرجە خوەیە.
