کەشناسیگ هووشداری دەێد کە لافاو پارێزگایەیل عراق نقوم کەێد وە مدوو هاتن دوو شەپۆل
عەتیە لە پۆستیگ لەبان تووڕ کۆمەڵایەتی وت؛ شاپوودیگ نوو واران وارین دەسوپی کەێد لە نوچەیل خوەرئاوای وڵات هاتێ لە ئیوارەی ئمڕوو سێشەممەو بوود لە شەوەو نیمەڕووی سوو چوارشەممە ئەرا ئەو شارەیل ترەک لە وڵاتەگە چوود، وتیش واران ورینەگە جیاوازە لە شوینیگەو ئەرا شوینیگتر.
وتیش بڕیگ لە وارانەیلە وە رفتین هاتێ هەوەجە بکەێد وە خوەپارێزی وەتایوەت لەناوچەیل باکوور و خوەرهەڵات وڵاتەگە مقیەت بوون تا ماوی کاریگەری شەپوولەگە کە تا ئیوارەی شەممە وەردەوام بوود لە باکوور و خوەرئاوا و ناوڕاس وڵاتەگە، و تا جومعە لە شارەیل باشوور وڵات و فورات ناوڕاس.
عەتیە وتیش، "تونی واران وارین مەزەنەیل لافاو ها لە (سلێمانی و دیالە و واست) جویر پیشبینیگ سەرەتایی، وە تونیەیل جیاواز وارێد لەناوچەیل سەڵاحەدین و کەرکوک و هەولێر و باکوور میسان و خوەرهەڵات دهۆک و بڕیگ لە ناوچە جیاوازەیل فورات ناوڕاس.
وتیش "شەپول داوەزینەگە لە ئەوروپاوە تێد وەگەرد داوەزین یگ دەریای سوور وەگەرد سەردەوبوین گونجیایگ لە چینەیل بەرز".
