کەشناسی هەفتەی ئایندە لە عراق.. داوەزیان نوویگ لە پلەی گەرمی
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو شەممە، رووشنە وەگەرد لەکە ئەوریگ، لە گشت وڵاتەگە، و پلەی گەرمی لە بەشەیل ناوڕاس و باکوور نزیک رووژ وەرجە خوەیە، و لە ناوچەی باشوور کەمیگ بەرزەو بوود.
وتیش: رووژ یەکشەممە، لە ناوچەی ناوڕاس و باشوور رووشنە وەگەرد لەکە ئەورە، و پلەی گەرمی کەمیگ بەرزەو بوود، و لە ناوچەی باکوور نیمچە ئەورە، و پلەی گەرمی نزیک رووژ وەرجە خوەیە.
دیاری کرد کە رووژ دووشەممە، لە ناوچەی باکوور نیمچە ئەورە تا ئەور تەواوە وەگەرد نمە وارانیگ جاروبار بەڵاچە وەگەردی هەس، و لە ناوچەی باشوور رووشنە وەگەرد لەکە ئەوریگ، و پلەی گەرمی لە گشت وڵاتەگە نزیک رووژ وەرجە خوەیە.
دەسەگە وتیش: کەشوهەوای وڵاتەگە ئەرا رووژ سێشەممەی ئایندە، لە ناوچەی ناوڕاس رووشنە، و لە ناوچەی باکوور نیمچە ئەورە وەگەرد دەرفەتیگ ئەرا نمە وارانیگ، و لە ناوچەی باشوور رووشنە وەگەرد لەکە ئەوریگ، و پلەی گەرمی نزمەو بوود.
