کەشناسی عراق … گەرمی دەسکەێدە داوەزیان
2023-09-22T10:28:26+00:00
شەفەق نیوز/ دەسەی کەشناسی عراق، ئمڕوو جمعە، کەشوهەوای وڵاتەگە لەی رووژەیل بانانە بڵاو کرد، مەزەنەی داوەزیان پلەی گەرمی لە ناوڕاس هەفتەی ئایندە کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو شەممە لە گشت وڵاتەگە رووشنە و پلەی گەرمی نزیک رووژ وەرجە خوەیە.
وتیش: رووژ یەکشەممە، لە ناوچەی ناوڕاس و باشوور رووشنە، و لە ناوچەی باکوور رووشنە وەگەرد لەکە ئەوریگ، و پلەی گەرمی لە گشت ناوچەیل وڵاتەگە نزیک رووژ وەرجە خوەیە.
دیاری کرد کە رووژ دووشەممە، بە گشت وڵاتەگە رووشنە وەگەرد لەکە ئەوریگ، و پلەی گەرمی لە بەشەیل ناوڕاس و باشوور کەمیگ بەرزەو بوود، و لە ناوچەی باکوور نزیک رووژ وەرجە خوەیە،
دەسەگە وتیش: کەشوهەوای رووژ سێشەممەی ئایندە لە ناوچەی ناوڕاس و باشوور رووشنە، و لە ناوچەی باکوور رووشنە وەگەرد لەکە ئەوریگ، و پلەی گەرمی لە ناوچەی ناوڕاس کەمیگ داوەزێد، و لە ناوچەی باکوور و باشوور نزیک رووژ وەرجە خوەیە.
