کەشناسی عراق: خوەڵوتووز و بەرزەوبوین گەرمی لەی رووژەیل بانانە
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو سێسەممە، نیمچە ئەورە و جاروباریش ئەور تەواوە، و لە ناوچەی باکوور ئەورە، و لە ناوچەی باشوور رووشنە، و پلەی گەرمی لە گشت وڵاتەگە چەن پلەیگ بەرزەو بوود.
بەیاننامەگە وتیش: رووژ چوارشەممە، لە ناوچەی ناوڕاس نیمچە ئەورە و جاروباریش ئەور تەواوە وەگەرد هەڵسیان تەپوتووز دویای نیمەڕو، و لە ناوچەی باشوور نیمچە ئەورە تا ئەور تەواو وەگەرد دەرفەت نمە وارانیگ لە مەوقەی رووژ، و لە ناوچەی باشوور رووشنە وەگەرد هەڵکردن تەپوتووز دویای نیمەڕو، و پلەی گەرمی لە بەشەیل ناوڕاس و باکوور کەمیگ بەرزەو بوود، و لە بەش باشوور وڵاتەگە چەن پلەیگ بەرزەو بوود.
دیاری کرد ک کەشوهەوای رووژ پەنجشەممە، لە ناوچەی ناوڕاس رووشنە تا نیمچە ئەورە و دەرفەت هەڵکردن واوتووز، و لە ناوچەی باکوور رووشنە وەگەرد لەکە ئەوریگ و دەرفەت خوەڵوتووز، و لە ناوچەی باشوور نیمچە ئەورە تا ئەور و خوەڵوتووز وەگەرد نمە وارانیگ لە مەوقەی رووژ، و پلەی گەرمی لە بەشەیل ناوڕاس و باکوور چەن پلەیگ داوەزێد، و لە ناوچەی باشوور کەمیگ داوەزێد.
دیاری کرد ک کەشوهەوای وڵاتەگە لە رووژ جمعە رووشنە تا نیمچە ئەورە لە گشت ناوچەیل وڵاتەگە، و پلەی گەرمی لە بەشەیل ناوڕاس و باکوور کەمیگ بەرزەو بوود، و لە بەش باشوور وڵاتەگە نزیک رووژ وەرجە خوەیە.
