کەشناسی عراق: بەرزەوبوین گەرمی لەی هەفتە
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو سێشەممە، لە ناوچەیل ناوڕاس و باکوور رووشنە وەگەرد لەکە ئەوریگ، و لە ناوچەی باشوور رووشنە تا نیمچە ئەوریگ، و پلەی گەرمی لە ناوچەی ناوڕاس نزیک رووژ وەرجە خوەیە، و لە ناوچەی باکوور و باشوور کەمیگ بەرزەو بوود.
بەیاننامەگە وتیش: رووژ چوارشەممە، لە گشت وڵاتەگە ئاسمان پاکە تا نیمچە ئەوریگ، و پلەی گەرمی کەمیگ بەرزەو بوود.
دیاری کرد ک لە رووژ پەنجشەممە، لە ناوچەی ناوڕاس ئاسمان پاکە تا نیمچە ئەورە، و لە ناوچەی باکوور نیمچە ئەورە، و لە ناوچەی باشوور رووشنە وەگەرد لەکە ئەوریگ، و پلەی گەرمی لە بەشەیل ناوڕاس و باکوور چەن پلەیگ بەرزەو بوود، و لە بەش باشوور وڵاتەگە کەمیگ لە رووژ وەرجە خوەی بەرزترەو بوود.
بەیاننامەگە وتیش: کەشوهەوای وڵاتەگە لە رووژ جمعەی ئایندە، لە ناوچەیل ناوڕاس و باشوور نیمچە ئەورە وەگەرد دەرفەت نمە وارانیگ، و لە ناوچەی باکوور نیمچە ئەورە و جاروباریش ئەور تەواوە وەگەرد دەرفەت واران، و پلەی گەرمی لە گشت وڵاتەگە کەمیگ لە رووژ وەرجە خوەی نزمترە.
