شاند ڤاتیکان رەسێدە زیقار ئەرا حەجکردن

شەفەق نیوز/ شاندیگ لە ڤاتیکان، ئمڕوو چوارشەممە، رەسیە پارێزگای زیقار، ئەرا جیوەجیکردن رسوومەیل حەجکردن لە شار ئاسەواری ئوور.

ماهر تویبە نوینەر کەمینەل لە پارێزگاگە، ئەرا ئاژانس شەفەق نیوز وت: سەردان شاند ڤاتیکان، لە چوارچێوەی کۆنگرەی گفتوگۆ ساڵانەی ئاینەیل تیەێد، ک وەسەردان پاپا لەساڵ ٢٠٢١ دەسوەپی کرد.

توبیە وتیش: کۆنگرەی ئمساڵ دویەکە لە بەغداد پایتەخت دەسوەپی کرد، و ئمڕوو لە شار ئوور کۆتایی وە کارەیلی هاورد.

وتیش: ئی شاندە ک ئیرنگە سەردان زیقار کەێد باڵیۆز چەن دەوڵەتیگ، و ئەندامەیلیگ لە حکومەت ڤاتیکان لە ئیتاڵیا هاناوی، تا نماز سەردان شار ئوور بخوەنێد، چوینکە میلکان گشت ئاینەیلە.