شەپۆلیگ واران عراق گرێدەو تا رووژ جمعە وەردەوامە
شەفەق نیوز/ کەشناسەیل، ئمڕوو سێشەممە، پیشبینی کەن واران سوکیگ بوارێد لە بڕیگ لە ناوچەیل وڵاتەگە و وەردەوام وەفر وارین لە ناوچەیل بەرزایی کۊیەیلە لە هەرێم کوردستان، وەگەرد داوەزین پلەیل گەرمی لە ناوچەیل ناوڕاس و خوەرئاوا و باشوور لەوەر پارچەیگ لە سەردی، دووپات کرد تا رووژ جومعەی ئایندە وەردەوامە.
کەشناس سادق عەتیە لە بڵاوکردنیگی ک ئاژانس شەفەق نیوز چەوی وەپی کەفتیە وت، " مەزەنە کریەێد واران سوکیگ یا پرزە واران بوارێد لە ناوچەیل جیاواز لە شارەیل هەرێم کوردستان و سەڵاحەدین و دیالە و نەێنەوا و کەرکوک و ئەنبار لە ئمڕووە، وەگەرد وەردەوامی وەفر وارین لە بەرزاییەیل کۊیەیلە وەگورەی جۊلەی ئەورەیلە و وێنەیل مانگەیل دەسکرد تیشک ئەوبان وەنەوشەیی ک پلەی گەرمی ئەورەیلە دیاری کەێد.
عەتیە وتیش، " شایەت لە ئمشەوەو شەپۆلیگ سەردی باێد ک بوودە هووکار داوەزین پلەیل گەرمی وە شیوەی وەرچەویگ شارەیل باکوور و خوەرئاوا و ناوراس فرە کەفنە ژیر کاریگەری"، وتیش: شەپۆلەگە گشت شارەیل گرێدەو وەتایبەت داوەزین پلەی گەرمی هەس وەپیکریایگ لە شەوەکیان ک هالە ناوەن 1 پلەی سەدی و 5 پلەی سەدی، سلێمانی رەسێدە 3- پلەی سەدی."
عەتیە مەزەنە کەێد " شەپۆلەگە وەردەوام بوود تا رووژ جومعە وەگەرد چالاکی وا روکەش باکوورخوەرئاوا ک خوەڵ و توز دروس کەێد لە ناوراس و باشوور وڵاتەگە."
