شەفەق نیوز سیمای رۊکردن زیارەتچیەیل وەرەو کازمیە توومار کەێد
2022-02-23T15:39:47+00:00
کامیرای ئاژانس شەفەق نیوز، رۊکردن هەزاران لە عراقیەیلە وەرەو شار کازمیە ئەرا زیارەت ئاینی موسەڵمانەیل شیعە وە ساڵیاد کووچکردن ئیمام موسای کازم توومار کرد.
لە ساڵەیل گوزەشتە، زیارەتچیەیل لەو وڵاتەیل جەهانیش هاتیان، باوجی لەوەر ریکارەیل ڤایرۆس کۆرۆنا، پارەکە و ئمساڵ ئەوە نەما.
لە ٢٤ مانگ رەجەب هەر ساڵیگ، دەیان هەزار لە زیارەتچیەیل شیعە، رسوومەیل ساڵیاد کووچکردن ئیمام کازم (ئیمام هەفتەم ئەهل بەیت) ئەنجام دەن.
چەوڕی کریاگە شمارەی رۊکەرەیل وەرەو کازمیە ئەرا سوو پەنجشەممە، بڕەسێدە بەرزترین ئاستی، لەناو ریکارەیل ئەمنی سەختیگ لەلایەن هێزە هاوبەشەیل سوپا و پۆلیس.
زیارەتچیەیل کازمیە، لە ناوچەیل جیاجیاز و بەشیگ لە پارێزگا نزیکەیلە، وەبان پا رۊ وەرەو کازمیە کەن، ئەرا زیارەت ئیمام موسای کازم.
