کەسوکارەیل قوربانیەیل رمیان قەتارەی ئیمام عەلی کەفنە وەر هەڕەشە
شەفەق نیوز/ کەسوکارەیل قوربانیەیل رویداو قەتارەی ئیمام عەلی لە کەربەلا، ئمڕوو دووشەممە، ئاشکرای هەڕەشەیلیگ کردن ک وەپیان رەسیە، ئەرا نەهیشتن دەرکەفتنیان لە میدیایل راگەیانن، و هەمیش باس ئاگادارییگ کردن ک رەسیەسە مەزارەگە وە بەسیانی چوینکە هاژیر هەڕەشەی رمیان، باوجی ئەوانەگ لەناوی کار کەن ئەوە ئاشکرا نەکردن وبڕیارەگە جیوەجی نەکردنە.
رووژ شەممەی گوزەشتە دویای نیمەڕو، تەپەیگ خوەڵین رمیان بان مەزار قەتارەی ئیمام عەلی لە پارێزگای کەربەلا.
کەسوکارەیل قوربانیەیل وتن: خوازن بزانن ئی مەزارە هن کیە، ئایا کەسەیلیگ درووکانیین و وەپیمان خەنن؟، وتنیش: شەوەکی ئمڕوو هەڕەشەیل لەوانەگ لە مەزارەگە کەن وەپیان رەسیە، و پەلاماریان دریا، نەهیشتن قسە ئەرا میدیایل راگەیانن بکەن، و وەپیان وتنە ئیوە هاینە ناوچەگەی ئیمە و هەرکەسیگ قسە بکەێد کەفێدە روی زوورکاری.
وتنیش: وەرجە ماوەیگ ئاگادار خاوەن مەزارەگە کریایە وە بەسیانی، چوینکە کەفتیەسە ژیر هەڕەشەی رمیان، باوجی کەسیگ ئەوە جیوەجی نەکرد، وکارەگە پووشینە.
هەمیش داوای دروسکردن دەسەیگ لێکۆڵینەوە کردن ئەرا ناسین ئەوانەگ دەسیان هاناو کارەگە سزایان بیریەێد، چوینکە وەرجە مانگیگ ئاگادار وە رمیانی کریانە.
