سه‌ڵاحه‌دين له‌باره‌ى چاره‌نويس خيزانه‌يل داعش روێ له "چاره‌سه‌ر ته‌وافى" كرد
شه‌فه‌ق نيوز/ ئه‌حمه‌د عه‌بدولجه‌بار ئه‌لكه‌ريم سه‌رۆك ئه‌نجومه‌ن پاريزگاى سه‌ڵاحه‌دين، پيشوازى له شانديگ كرد ك پيكهات له سه‌رۆك هووزه‌يل و پياو ماقوڵه‌يل شار تكريت و ده‌ورگردى.
ئه‌نجومه‌نه‌گه له به‌ياننامه‌يگ ئه‌را شه‌فه‌ق نيوز وت: له‌و ديداره باس له‌و داواكاريه كرياگه ك مه‌ردم پيشكه‌شى كردنه‌و له‌خوه‌يگرتن خيزانه‌يل سه‌ر وه تاوانباره‌يل داعش و كه‌س وكاريان له سه‌ربازگه‌ى شه‌هامه له باكوور شاره‌گه ره‌ته‌و كردنه.
به‌ياننامه‌گه هه‌ميش وت: سه‌رۆك ئه‌نجومه‌ن پاريزگا قه‌وڵ له‌يه‌كه‌وداين ئه‌و داواكاريه داگه وه‌ل لايه‌نه‌يل ئه‌منى له‌وه‌ر دوينستنه‌وه‌ى شيوازيگ ته‌وافقى ك پابه‌ندى وه ياسايه‌يل نيشتمانى بكا ئه‌را وجوود كه‌س وكار تاوانباره‌يل له پاريزگاگه، له‌وه‌ر ئه‌وه‌گ ئه‌و تاوانباره‌يله زه‌ره‌د فريه‌يگ وه شيرازه‌ى كۆمه‌ڵايه‌تى ره‌ساننه.
