سه‌ڵاحه‌دين ئاشكراى ده‌سوه‌سه‌ركردن ماتۆڕسكڵ و ده‌سگيركردن 21 داواكرياێ كرد
شه‌فه‌ق نيوز/ سه‌ركردايه‌تى فه‌رمانده‌يى سامه‌ڕا، ئاشكراى ده‌سگيركردن 21 داواركرياێ و گومانليكرياێ كرد وه‌ل ده‌سوه‌سه‌ركردن شماره‌يگ له ماتۆڕسكڵه‌يل كرد له‌وه‌ر نواگيرى له وه‌كارهاوردنيان له ناوچه‌يل ليژايى له باشوور سه‌ڵاحه‌دين.
له‌ى باوه‌ته‌و، ليوا روكن عيماد ياسين زوهێرى سه‌ركرده‌ى فه‌رمانده‌ييه‌گه له‌باسيگ ئه‌را ئاژانس شه‌فه‌ق نيوز، ئه‌وه ده‌رخست ك هيزه‌يل و مه‌فره‌زه‌يل تايبه‌ت هه‌ڵمه‌تيگ فراوان ئه‌نجام دانه ئه‌را ده‌سوه‌سه‌ركردن ماتۆڕسكڵه‌يل دوياى ده‌سكه‌فتن زانيارى ك وه‌كار ئه‌يه‌ريه‌ن ئه‌را پيشكه‌شكردن پشتگيرى لۆجيستى وه شانه‌يل خه‌فتگ سه‌ر وه ريكخرياگ تيرۆريستى داعش.
باس له‌وه‌يش كرد ئه‌و هه‌ڵمه‌ته كه‌رته‌يل هه‌ردوگ لياى 15 و 17ى پۆليس ناوه‌ندى گرته‌سه‌و له ناوچه‌يل حه‌ردانيه‌و موعته‌سه‌م و جه‌لام سامه‌ڕا و رفێعيه، وه هه‌ماهه‌نگه وه‌ل فه‌رمانده‌يى سه‌ڵاحه‌دين له باشوور پاريزگاگه.
