سزای تونیگ وەبان ژنیگ و کوڕەگەی ک باوگ خیزانەگە کوشتنە

شەفەق نیوز/ سەرچەوەیگ ئەمنی لە زیقار، ئمڕوو پەنجشەممە، خەوەردا دادگای تاوانەیل پارێزگاگە تونترین سزا ئەرا داڵگ و کوڕیگ دەرکرد ک تاوان کوشتن ئەنجامدانە.

سەرچەوەگە وەئاژانس شەفەق نیوز راگەیان" دادگای تاوانەیل تونترین سزایەیلی وەبان ژنیگ و کورەگەی دەرکرد وە توومەت کوشتن باوگ خیزانەگە لە ناحیەی منار باشوور پارێزگای زیقار، ژنەگە سزای بەرزەوکریاگە لە دوو ساڵ ئەرا شەش ساڵ، سزای کوڕەگەیش لە 15 ساڵ بەرزەوکریاگە ئەرا زندانیکردن هەتاهەتایی.

وتیش، " دادگا بڕیارەگەی وەپای بڕگەی مادەی 406 لە یاسای سزادان عراقی شمارە 111 ساڵ 1969 هەموارکریاگ دەرکردیە".

لە گوزەشتە دادگای تاوانەیل سزای زندانی کردن دەرکرد ئەرایان ئەرا ماوەی دوو ساڵ ژنەگە و 15 ساڵ ئەرا کوڕەگەی، باوجی دادگا داوای تونکردن سزاگەی دەرکد.