دەسگیرکردن دزیگ دویای چەن ساعەتیگ لە جیوەجیکردن تاوانەگەی

شەفەق نیوز/ سەرچەوەیگ ئەمنی لە پارێزگای زیقار، ئمڕوو شەممە، خەوەردا لە دەسگیرکردن دزیگ ک دوکانیگ ئاڵشتکردن پارە لە پارێزگاگە دزیە.  

سەرچەوەگە ئەرا ئاژانس شەفەق نیوز وت: دزیگ لە وەخت زوی لە شەفەق ئمڕوو، چیە ناو دوکانیگ ئاڵشتکردن پارە لە قەزای سوق شیوخ، و ٥٠ ملیۆن دینار عراقی وەگەرد خەزینەی پویل و ئامێرەیل خەرجکردن مووچە دزیە.  

وتیش: کامێرایل چەودیریکردن ئاشکرای ئەو ماشینە کرد ک چشتە دزیەیلە وەگەرد دزەگە بار کردگە.  

سەرچەوەگە دیاری کرد ک هیزیگ ئەمنی رانندەی ماشینەگە دەسگیر کرد ئیجا دزەگە ناسیە، و رەسیە شوینی و دەسگیری کرد، و دەسنریا بان پویل و چشتەیل دزیەگە.