سزای 15 ساڵ زیندانیکردن ئەرا وەرپرسیگ حکومی وەرین لە نەجەف
2024-03-10T11:48:15+00:00
شەفەق نیوز/ دادگای تاوانەیل نەجەف، ئمڕوو یەکشەممە، سزای زیندانیکردن پانزە ساڵ ساڵ دەرکرد ئەرا وەڕێوەبەر ژمێریاری جیوەجیکار وەرین پارێزگاگە.
ناوەن راگەیانن ئەنجومەن باڵای دادگا لە بەیاننامەیگ رەسیە ئاژانس شەفەق نیوز راگەیان، "دادگای تاوانەیل نەجەف سزای 15 ساڵ زیندانیکردن ئەرا وەڕێوەبەر ژمێریاری جیوەجیکار وەرین نەجەف دەرکرد کە وەگەرد توومەتبارەیل ترەک چەک پویل ساختە رێکخستنە لەریەو پویل وە فیرۆدانە".
وتیش "سزاگە وەپشت بەسین وە بڕگەیل مادەی 315 کوت دویەم وە مادە هاوبەشەیل 47و48و49 لەیاسای سزادان هاتیە".
