وەسێدارەدان یەکیگ لە پاسەوانەیل مەنزڵگای حەکیم لەبان تەقەکردن لە ناڕەزایل تەشرین
2022-09-11T11:21:11+00:00
شەفەق نیوز/ دادگای نەهیشتن تاوان نەجەف، ئمڕوو یەکشەممە، فەرمان وەسێدارەدان لەبان یەکیگ لە پاسەوانەیل مەنزڵگای حەکیم دەرکرد، لەبان کوشتن ١٥ کەس لە ناڕەزایل تەشرین ساڵ ٢٠١٩.
سەرچەوەیگ ئەمنی لە پارێزگای نەجەف ئەرا ئاژانس شەفەق نیوز وت: فەرمان وەسێدارەدان لەبان یەکیگ لە ئەندامەیل مەنزڵگای حەکیم لە پارێزگایگە دەرچگ، لەور نواگرد ئەو ناڕەزایلە وەگولەی زنی، هەنای هاتنە مەنزڵگاگە بسزنن.
سەرچەوەگە دیاری کرد ک بڕیارەگە وەگورەی مادەی ٤٠٦ لە یاسای سزادان عراقی شمارە ١١١ ئەرا ساڵ ١٩٦٩ دەرچگ.
