سزیان کوڕیگ لە دیالە و مەرافەیگ وە نارنجە لە ناوبەین باوگ و کوڕیگ لە بەغدا
2022-11-01T09:00:51+00:00
شەفەق نیوز/ سەرچەوەیگ ئەمنی، لە دیالە ئمڕوو سێشەممە، خەوەردا لە مردن کوڕیگ وە رویداو سزیان لە دەوروگەرد قەزای خاڵس باکوور خوەرهەڵات بەعقوبە.
سەرچەوەگە وە ئاژانس شەفەق نیوز وت، کوڕیگ 14 ساڵان گیان لە دەسدایە هەنای خوازیە ئاگر هیز بەێد ئەرا گوشت برشانن لەدویای رشانن بەنزین لەبان زوخاڵەگە.
وتیش، قوربانیەگە ئەرا خەسخانە کلکریایە باوجی تەقەڵا و فریاکەفنەیل سەرەتایی پزشکی نیەڕەسێدە هانای و لەوەر سەختی سزیانەگەی گیانی لەدەسدا.
هەمیش، کەسیگ زەخمداربوی لەئەنجام مەرافەیگ ک لە ناوبەین ئەو و ئاموزایەیلی رویدایە لە قەتاع 16 شار سەدر، لەهەمان وەخت مەرافیگ لەمابەین باوگ و کوڕیگ قومیایە رەسیەس ئەرا ئەوەگ کورەگەی نارنجەی دەنگی وشانیە ئەرا نوای دەر خیزانەگەی لەناوچەی بەلەدیات.
