سانت لیگو دەروازەیل ناوچەی خەزرا لە بەغداد بەسێد
2023-03-25T07:42:36+00:00
شەفەق نیوز/ دەسەڵاتەیل ئەمنی عراق، شەوەکی ئمڕوو شەممە، دەروازەیل ناوچەی حکومەتی خەزرا لەناوڕاس بەغداد پایتەخت بەسان، دویای گردەوبوین خوەینشاندەرەیلیگ ک ناڕەزایی لەبان یاسای "سانت ليگو" ئەرا هەڵوژاردن کەن.
سەرچەوەیگ ئەمنی ئەرا ئاژانس شەفەق نیوز وت: دەروازەیل خەزرا لەلای ناوچەی عەلاوی ناوڕاس بەغداد بەسیانە، و تەنیا ری ئەرا خاوەن باجەیل دەن بچنە ناو، ئەوەیش لە ئەنجام گردەوبوین خوەینشاندەرەیل.
لە دەویەشەوەو ئەو مانگرەیلە ک رازی لەبان راسەوکردن هەڵوژاردن "سانت ليگو" نیین، لە وەردەم ئەنجومەن نوینەرەیل عراق لەناوچەی عەلاوی لە بەغداد دەسکردنە گردەوبوین، ک بڕیارە ئمڕوو شەممە دەنگ لەبانی بیەن.
لە دانیشتن شەفەق رووژ دووشەممە، پەرلەمان عراق دەنگ لەبان هەفتە تەوەر لە یاسای ١٥ خاڵی هەڵوژارن سانت ليگو دا، ک ئەو یاسا قسە و ناڕەزایی لەبانی هەس، و بڕیار دا لە رووژ شەممە تەوای بکەێد.
