کەسیگ وە سەختی زەخمدار بوی لە ئەنجام تەقیان تەنیگ نامۆ لە باشوور بەغدا

شەفەق نیوز- بەغدا

سەرچەوەیگ ئەمنی لە بەغدا، ئمڕوو پەنجشەممە، خەوەردا لە زەخمداربوین کەسیگ وە سەختی لە ئەنجام تەقیان تەنیگ نامۆ لە باشوور پایتەخت.

سەرچەوەگە ئەرا ئاژانس شەفەق نیوز دیاری کرد  تەقینەوەگە  لە ناوچەی "بئر ئەلحەمام" لە دەورگەرد ناحیەی لەتیفیە روی دایە.

لە لای خوەییش، فەریق سەعد مەعن، سەرۆک شانەی راگەیانن ئەمنی، وت: تەقینەوەگە لە ئەنجام وەجیماگەیگ جەنگی بویە وەبان کشاوەرزیگ لە ناوچەگە و بویەسە مدوو سزیانی، و ئەرا خەسەخانە کل کریاس ئەرا وەرگردن چارەسەر  هەوەجەکریاگ.