سێ مردن و شەش وە چەن رووداوەیگ لە عراق
شەفەق نیوز/ سەرچەوەیگ ئەمنی لە پارێزگای سەڵاحەدین، ئمڕوو جومعە، خەوەردا لە مردن سێ کەس وە رووداو هاتوچوو لە ری تکریت- کەرکوک.
سەرچەوەگە وە ئاژانس شەفەق نیوز وت: دو ژن و پیاویگ گیان لە دەسدان وە رووداو هاتوچوو لەبان کەرکوک- تکرێت.
وتیش" تەرم قوربانیەیل ئەرا پزیشک یاسایی کلکریایە ودەسڵاتدارەیل هاتوچوو لێکۆلینەوە ئەرا رووداوەگە واز کردنە".
هەر لەو باوەتە، چوار کەس تۊیش زەخمداری بۊینە لە رووداو هاتوچوو لە جادەی قودس لە ناوڕاس کەرکوک، سێ کەس لەلیان وەرەو خەسخانەی گشتی کەلار کلکریانە، وەگورەی بەیاننامەیگ لە پۆلیس ناوخوەی.
لە شار مووسڵ وەرێەوبەر وەرگیری شارستانی، لە بەیاننامەیگ وت: تیمەیل فریاگوزاری تۊنستن سەربکەفن لە رۊیوەرۊیبۊین وەگەرد ماشینیگ مەدەنی ک وەگەدر پەرژین پیەڵ ئاسنین سەنحاریب لەلای چەپ مومووسڵ ەریەککەفتن کردۊێد ئەرا نواگیریکردن لە کەفتنە خوارەوەی لەبەرزیەو ئەرا زەۊی ، تیمەیل وەرگیری شارستانی زۊێ خوەیان رەساننە شۊن رووداوەگە. وتیشی: پێویست بۊی ئەو تیمە کەلوپەل و کەرەسەیەیل قورتارکردن هایدرۆلیک وەکاربارن ئەرا کیشانن و بڕین کانزاگە کیشان ماشینەگەو و دەرکردن دو کەسەگە ئەرا پیشکەشکردن هاوکاری یەکەمیەگان و مقیەتیکردنیان ئەرا نزیکترین خەسخانە کلکریان ئەرا چارەسەری.
وتیش هووکار رووداوەگە تونی ماشینەگە و کەم وریایی بۊیە.
