سەرخوەشیگ لە زیقار ئاگر خوەی دەێد

شەفەق نیوز/ سەرچەوەیگ ئەمنی لە پارێزگای زیقار، ئمڕوو دووشەممە، خەوەردا ک دەزگا ئەمنیەیلە دوو خوەیکوشتن تۆمار کردن.

سەرچەوەگە ئەرا ئاژانس شەفەق نیوز وت: گەنجیگ سەرخوەش لە تەمەن بیس ساڵان، لەناو ماڵەگەی لەناوڕاس سوق شیوخ لە شار ناسریە خوەی وە بانزین سزان.

سەرچەوەگە دیاری کرد ک تەقەلای گەنجەگە شکست هاورد، ک کەسوکارەیلی کپیەو کردن، وەلێ سوزمانەگەس سەختە ک رەسیەسە ٨٠ لەسەد، وەکوتپڕ رەساننەی خەسەخانە.

سەرچەوەگە وتیش: دوێەتیگ لە تەمەن سی ساڵان لە قەزای فەجر لە باکوور زیقار بڕیگ دەرمان خوارۆ تا خوەی بکوشێد، وەلێ تەقەلاگەی ئەویش شکست هاورد، ک رەساننەی خەسەخانەی حوسەین لە شار ناسریە، تا چارەی بکریەێد.