پسپۆریگ کەشناسی مەزەنە کەێد وەرز وارانوارین فرەیگ بوود هەکاتی ساڵەیل 2019_2020

عەتیە ئمڕوو لە پۆستیگ لەبان تووڕ کۆمەڵایەتی باس لە جەمسەر  زەریای هیندی کرد و مزگانی وەزر واران وارین دەێد لە ئایندە، وت؛ نموونەی مەزەنەیل وەرزی مەزەنە کەێد  لەسەرەتای وەرز واران وارین ئایندە دیاردەی جەمسەر هیندی IOD ئاڵشتبوود ئەرا بەهایگ ئەرێنی لە مانگ ئەیلول ئایندە  وەرد  کەمەوبوین وای وەرزی و دەسوەپیکردن بەرزەوبوین گەرمی ئاو لە ئاو خوەرئاوای دەریای عەرەب.

عەتیە باس لە دیاردەی جەمسەر هیندی  و کاریگەریەیلی کرد و وت : وە کوڵی بریتیە لە بەرزتربوین پلەی گەرمی ئاو خوەرئاوای زەریای هیندی لە خوەرهەڵات زەریاگە و یەیش کار فرەیگ کەێد لەبان داوەزین پەستان کەشوهەوا لە بەش شاخ ئەفریقایی وە پیچەوانەی خوەرهەڵات زەریاگە کە پەستانەگەی بەرزەوبوود وە بەراورد وە خوەرئاوای، یەیش سروشتیە ئەرا وایەیل و ئەو چام بەرزە کە هەڵیگرن وەرەو لای جەمسەر ئەفریقا دەڵەکی دەن، یەیش دەریگ وازکەێد وە روی چام ناوچە گەرمیەلە. 

وتیش، وەگەرد یەیش بارستەی سەردی لە ئەوروپا یا کانیەگان رەدبوود، کە مەودای چامەگە لە شاخ ئەفریقایی کیشێد و رەدبوود وەرەو دورگەی عەرەب  وە ئاراستەی باکوور، وەگەرد کانیەگان، وتیش، یەیش لە وەرز واران وارین 2019/2020 رویدا، وە پیچەوانەی دوو ساڵ گوزەشتە ک پەستان لای شاخ ئەفریقایی بەرزتر بوی وەگەردیا داوەزین ئاشکەرایگ بوی لە تەکان چام  لە دەر دەریای عەرەب.