زانيارى ناوده‌وڵه‌تى.. داعش له‌ سێ پاريزگاى عراقى ده‌سميه‌ت ئاسمانى وه‌رئه‌گرێد

زانيارى ناوده‌وڵه‌تى.. داعش له‌ سێ پاريزگاى عراقى ده‌سميه‌ت ئاسمانى وه‌رئه‌گرێد
2020-05-18T11:43:17+00:00

شه‌فه‌ق نيوز/ باڵيۆز هه‌يسه‌م ئه‌بو سه‌عد مفه‌وه‌ز ليژنه‌ى ناوده‌وڵه‌تى ئه‌را مافه‌يل ئاده‌ميزاد له‌ خوه‌رهه‌ڵات ناوين، باس له‌وه‌ كرد ك زانياريه‌يليگ وه‌پى ره‌سيه‌ له‌باره‌ى وجوود ته‌ياره‌يل بارهه‌ڵگر و كۆپته‌ر ك ده‌سيه‌ت چه‌كداره‌يل داعش ئه‌يه‌ن له‌ ناوچه‌يليگ له‌ سێ پاريزگا له‌ عراق و باس له‌وه‌يش كرد لايه‌نه‌يليگ ناوده‌وڵه‌تى ئاسانگارى چگن ئه‌را ئه‌و چه‌كداره‌يل وه‌ره‌و مه‌رزه‌يل عراقى سوورى ئه‌كه‌ن.

ئه‌بو سه‌عد له‌ باسيگ ئه‌را ئاژانس شه‌فه‌ق نيوز وت: ليژنه‌ى ناوده‌وڵه‌تى ئه‌را مافه‌يل ئاده‌مزياد نيگه‌رانه‌ له‌ وه‌رانوه‌ر ئه‌و زانياريه‌يله‌ ك له‌ نويسينگه‌ى عراقه‌و كه‌فتنه‌سه‌ ده‌س له‌باره‌ى وجوود به‌ڵگه‌يليگ له‌بان ئه‌وه‌گ ته‌ياره‌يليگ بارهه‌ڵگر و كۆپته‌ر ده‌سميه‌ت چه‌كداره‌يل داعش ئه‌يه‌ن له‌ ناوچه‌يل سه‌ڵاحه‌دين و نه‌ينه‌واو دياله‌.

ئاماژه‌ وه‌يه‌يش كرد گشت ئه‌و راپۆرته‌يله‌ ك زويتر ره‌وانه‌ى لايه‌نه‌يل ناونه‌ته‌وه‌يى كريانه‌، ئاماژه‌ وه‌ ئه‌وه‌ كردنه‌ ئه‌و گرووپه‌يل ته‌كفيريه‌ كووتايى وه‌پيان ناورياگه‌، وه‌تايبه‌ت دوياى ئه‌وه‌گ لايه‌نه‌يليگ ناوده‌وڵه‌تى ئاسانكارى چگن و هاتن ئه‌را مه‌رزه‌يل عراق و سوريا ئه‌رايان ئه‌كه‌ن.

Shafaq Live
Shafaq Live