زەۊلەرزە دەێد لە شار خانەقین
2022-04-02T10:54:25+00:00
شەفەق نیوز/ وەزارەت گواستنەوە و رەسانن لە حکومەت هەرێم کوردستان، ئمڕوو شەممە، راگەیان زەۊلەرزەیگ وە تونی ٣،٢ پلە لەبان پەیمانەی ریختەر، دادە شار خانەقین.
وەزارەتەگە لە بەیاننامیگ رەسیە ئاژانس شەفەق نیوز: زەۊلەرزەگە لە ساعەت ١١:٣٨ شەوەکی ئمڕوو شەممە بۊ، و تونیەگەی رەسیە ٣،٢ پلە لەبان پەیمانەی ریختەر جەهانی.
بەیاننامەگە وتیش: سەنتەر لەزرەگە وەدۊری ٢٧ کیلومەتر لە شار خانەقین بۊ، وە وۊلی ١٤ کیلومەتر، وەبی راگەیانن لە زەخمداری یا زەرەدەیل دارایی.
