زیقار.. کوشیان و زەخمداری ٨ کەس دوو دویەت هاناویان وە رویداوەیليگ جیاجیا
سەرچەوەگە ئەرا ئاژانس شەفەق نیوز وت: مامووستایگ لە وەڕیەوبەرایەتی گشتی پەروەردەی زیقار کەفتە وەر گولە لەناو بازاڕ قەزای شەترە، لە ئەنجام مرافەیگ وەگەرد چەن کەسیگ سەرخوەش، کە زەخمدار بوی و بریا ئەرا خەسەخانە.
وتیش؛ کابرایگ سەرخوەش دەسدرویژی لەبان کادرەیل پزشکی لەناو خەسەخانەی محمد موسەوەی کرد، و شویشەی ماشین فریاکەفتن و ماشینیگ دەزگای ئەمنی شکان، و دەزگایل ئەمنی دەسگیری کردن.
لە رویداویگتر، سەرچەوەگە وت: دوو دویەت تەمەنیان خوار بیس ساڵان، و کەسیگتر زەخمدار بوین، لە ئەنجام تەزیان کارەبا لەناو ماڵیان لە ئاوای نەهار لە قەزای ئیسڵاح خوەرھەڵات پارێزگای زیقار.
هەمیش وت: رویداویگ لەبان ری نەسر و شەترە کەفتە ناوەین ماشینیگ ساڵۆن و ماشینیگ بارهەڵگر (ترێلە) ئیجا چگە ناو دەسەیگ حوسەینی لەبان ری گشتی، بویە هوکار کوشیان دوو کەس یەکیگیان ئەندام ئەمنیە، و دوو کەسیش زەخمدار کرد، ئەرا خەسەخانە بریان.
