زیقار دوو رویداو خنکیان توومار کەێد: ژنیگ وەساڵاچگ و باوگیگ لە وەخت رزگارکردن کوڕەگەی گیان لەدەس دەێد
شەفەق نیوز- زیقار
سەرچەوەیگ ئەمنی لە پارێزگای زیقار، ئمڕوو شەممە، خەوەر دا لە توومارکردن دوو خنکیان لە دوو ناوچەی جیاجیا لە سنوور پارێزگاگە، یەکیگیان ژنیگ وەساڵاچگ بوی لە باشوور شار ناسریە ناوەن پارێزگاگە.
سەرچەوەگە ئەرا ئاژانس شەفەق نیوز وت: "ژنیگ لە تەمەن حەفتا ساڵان گرفت دەروینی دێرێد تویش رویداو خنکیان بوی لە یەکیگ لە چەمەیل کشاوەرزی لە قەزای گەرمەت بەنی سەعید لە باشوور پارێزگای زیقار"، و دیاری کرد ئەرا "دراوردن تەرمەگە و کلکردنی ئەرا پزیشک دادوەری تڵ رێکارەیل یاسایی ئەرای تەواوبکریەێد".
لە رویداویگ ترەک، سەرچەوەگە دیاری کرد "کەسیگ لە تەمەن چل ساڵان تویش خنکیان بوی لە چەم وەفا لە سنوور ناحیەی ئوور لە خوەرهەڵات شار ناسریە، ئەوەیش لە وەخت تەقەلایل ئەرا رزگارکردن کوڕەگەی لە خنکیان لە ناو چەمەگە".
سەرچەوەگە دیاری کرد "مەفرەزەیل پۆلیس چەمەوانی هیمان وەردەوامن لە گەردین لە شوین رویداوەگە ئەرا پەیاکردن تەرم خنکیاگەگە".
