زەخمداری وە مەرافیگ هووزانە لە باشوور عراق

شەفەق نیوز/ چوار کەس تویش زەخمداری بوین، ئمڕوو چوارشەممە، وە مەرافیگ چەکداری هوزانە لە پارێزگای واست باشوور عراق.

سەرچەوەیگ ئەمنی وەرپرس وە ئاژانس شەفەق نیوز وت، مەرافیگ دروسبویە لە ناحیەی دبونی سەر وە پارێزگای واست لەوەر گرفتیگ ماددی.

فرەیگ کەس لە عراق وەتایبەت لە پارێزگای واست و باشوور روی ئەرا هووزەیلیان کەن ئەرا چارەسەر ئەو گرفتەیلە لە مابەینیان دروسبوود وە یەکلاکردن یا قەرەبوی کردن قوربانیەگە وە بڕیگ پویل ئەرا قەرەبوی زەرەردەیلی.

لەوانەس چارەسەر هووزانە رەسێدە چارەسەر وەتایبەت لە رویداو کوشتن ک ناکۆگیەگە وەردەوامە داوای تۆڵەسەنین ئەرا چەندین ساڵ وەردەوام بوود.