زەخمدارەی ٣ مناڵ وە سزیان ماڵیگ لە بەغداد
2023-12-23T17:33:25+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا لە هیزگردن ئاگر لەناو ماڵیگ لە بەغداد.
سەرچەوەگە ئەرا ئاژانس شەفەق نیوز وت: ئاگر لەناو ماڵیگ لە ناوچەی رەحمانیە لەلای کەرخ بەغداد پایتەخت هیز گرد، و بویە هوکار زەخمداری ٣ مناڵ و داڵگیان وە زەخمەیل سەختیگ لە ئەنجامی ئەرا خەسەخانە بریان.
سەرچەوەگە دیاری کرد کە ئاگرەگە لەئەنجام شۆرتیگ کارەبایی هیز کردیە.
