زەخمداری ئەفسەریگ لەمەوقەی دەسگیرکردن بازرگانیگ هوشبەری لە زیقار

 زەخمداری ئەفسەریگ لەمەوقەی دەسگیرکردن بازرگانیگ  هوشبەری لە زیقار
2022-04-28T07:28:01+00:00

شەفەق نیوز/ سەرچەوەیگ ئەمنی لە زیقار باشوور عراق، ئمڕوو پەنجشەممە، خەوەردا لە زەخمداری ئەفسەریگ لە مەوقەی جیوەجیکردن ئۆپراسیۆن دەسگیردن بازرگانیگ هوشبەرەیل لە پارێزگاگە.  

سەرچەوەگە ئەرا ئاژانس شەفەق نیوز باسکرد، " ئەفسەریگ وە پلەی رائد لە بەش دژە مادەی هوشبەر سوق ئەلشیوخ زەخمداربۊ وە دو گولە لە شان و پای، مەوقەی هەڵکوتانە بان ماڵیگ لە ناوچەی ئسماعیلیە، باشوور پارێزگای زیقار لە دۊای دەرچگن فەرمان دەسگیرکردنی وەپای سزای مادەی 28 لە یاسای دژە هوشبەر ئەرا خاوەن ماڵەگە". 

سەرچەوەگە وتیش،" کەسە داواکریاگە رویوەرۊی هێزەیل ئەمنی بۊیە وە تونی لە ئەنجام ئەفسەرە ناوبریاگە زەخمدار بۊە، ئەرا خەستەخانە کلکریاگە ئەرا وەرگردن چارەسەری"، دیاریکرد" هێزەیل سەربازی رەسینەسە شۊن رویداوەگە ئاخڵەدانیگ ئەمنی کردنە وەبان خاوەن ماڵەگە لەکۆتایی دەسگیری کردنە".

Shafaq Live
Shafaq Live