زەخمداری دوو مناڵ وە تەقینەوەیگ جەنگی لە باشوور عراق
2023-07-18T09:26:00+00:00
شەفەق نیوز/ سەرچەوەیگ ئەمنی، ئمڕوو سێشەممە، خەوەردا لە زەخمداریبوین دوو مناڵ وە تەقیان وەجیماگەیل جەنگی لەناو بوسانیگ لەباشوور خوەرئاوا پارێزگای بەسرە.
سەرچەوەگە وە ئاژانس شەفەق نیوز خەوەردا، دوو مناڵ ک یەکیان ۹ ساڵانە و ئەوەکەیش ٤، ئمڕوو زەخمداربوینە وە تەقیان وەجیماگەیل جەنگی لەیەکیگ لە بوسانەیل ناحیەی سەفوان باشوور خوەرئاوای پارێزگای بەسرە.
سەرچەوەگە وتیش، هێزەیل ئەمنی هەردگ مناڵەگە ئەرا خەسخانەی نزیکیگ کلکردنە، لێکۆڵینەوە لە رویداوەگە وازکردنە.
