زەخمداری 10 کەس وە رویداو هاتوچو دەگمەنیگ لە دیالە
2023-09-25T08:13:27+00:00
شەفەق نیوز/سەرچەوەیگ ئەمنی لە دیالە، ئمڕوو دووشەممە، خەوەردا لە زەخمداربوین 10 کەس وە رویداو هاتوچو دەگمەنیگ.
سەرچەوەگە وە ئاژانس شەفەق نیوز وت، " زوڵدان کفتیەس وەبان باسیگ قەوارە مامناوەن (ستارکس) لەبان ری بەغدا - کەرکوک نزیک ناحیەی عوزێم، بویەسە مدوو زەخمداری دە کەس کە لەلیان بارودۆخیان ناجیگیرە".
دیاریکرد زەخمدارەیل ئەرا چارەسەرکردن کلکریانە ئەرا خەسخانە و دەسڵاتدارەیل هاتوچو رێکارەیل پێویست وەرگردن.
