زیاتر لە ١٥٠٠ تۊشهاتن نوو و ١٣ مردن وە کۆڕۆنا لە هەرێم کوردستان
2021-10-03T14:42:36+00:00
شەفەق نیوز/ وەزارەت تەندروسی لە حکومەت هەرێم کوردستان، ئمڕوو یەکشەممە، راگەیان توومارکردن زیاتر لە ١٥٠٠ تۊشهاتن نوو وە ڤایرۆس کۆڕۆنا لە هەرێم کوردستان وە ماوەی ٢٤ سەعات گوزەیشتە.
وەزارەتەگە لە بەیاننامەیگ رەسیە ئاژانس شەفەق نیوز وت: ٧٩٧٤ تاقیکردنەوە ئەنجام دانە لەناویان ١٥٣٢ تۊشهاتن نوو ئاشکرا کریا تا گشت شمارەی تۊشهاتنەیل پەتاگە بڕەسێدە ٣٣٥٥٦٣.
بەیاننامەگە وتیش: ١٣٨٨ بیمار لە پەتاگە خاسەو بۊین تا گشت شمارەی خاسەوبۊیەیلە بڕەسێدە ٣٠٢١٩١.
هەمیش ١٣ بیمار لەوەر پەتاگە مردن تا گشت شمارەی مردنەیل ڤایرۆس کۆڕۆنا لە هەرێم کوردستان بوودە ٥٩٢٤.
