رووژنامەنویسیگ: ئەرا جار دویەم لە عراق وەخوارخستن فڕۆکەیگ بێفڕۆکەوان ئەمریکی بایی ٣٢ ملیۆن دۆلار
2024-01-19T07:59:25+00:00
شەفەق نیوز/ رووژنامەنویس سەربازی لە تووڕ "فۆكس نيوز" ئەمریکی، لۆکاس توملینسون، ئمڕوو جمعە، وت: باڵە چەکدارەیل لایەنگرەیل ئیران، فڕۆکەیگ بێفڕۆکەوان ئەمریکی، شەو پەنجشەممە، لە پارێزگای دیالە خستنە خوار.
توملینسون لەبان ماڵپەڕ ئێکس وت: ئەرا جار دویەم لە سەرەتای تشرین دویەم، هیزەیل سەروە ئیران، فڕۆکەیگ بێفڕۆکەوان ئەمریکی لە مارکەی MQ9 بایی ٣٢ ملیۆن دۆلار لە عراق خستن.
وەرجەیە میدیایل راگەیانن ناوخوەیی و لەبان سۆشیال میدیا بای کەفتن چشتیگ نەناسیاگ لە خوەرھەڵات قەزای موقدادیە کردن.
