دویای یەک رووژ لە بەسیانی.. وازکردن ری موقدادیە - خانەقین وە پەیمانەیل حکومەتی
شەفەق نیوز/ حەشد وەرگەی لە دیالە، ئمڕوو سێشەممە، دووارە وازکردن ری موقدادیە – خانەقین راگەیان، دویای بەسیانی وە ناڕەزایی لەبان دەرکەفتن مووچەیلیان ئەرا زیاتر لە ٨ ساڵ، دویای دڵنیاکردن حکومەتی وە مسۆگەرکردن داوایان لە بوودجەگە.
سەرچەوەیگ لە حەشد ئەئیمەت بەقیع سەروە وەزارەت وەرگری ئەرا ئاژانس شەفەق نیوز وت: ناڕەزایل حەشد وەرگری و لایەنگرەیلی دووارە ری موقدادیە - خانەقین واز کردن، و چادرەیل مانگگردن لاوردن، و لەو شوینەیلە کیشانەو، دویای دڵنیاکردن حکومەتی و ئەمنی وە داناین مووچەیلیان لە یاسای بوودجەی هاتگ.
سەرچەوەگە وتیش: شاندیگ ئەمنی وحکومەتی پەیمان وە حەشد وەرگری دا ک وەگەرد بڕیارداین بوودجەی هاتگ مووچەیلیان خەرج کریەێد و و فەرمی لەناوی دانریەن، و دیاری کرد ک ناڕەزاییەگە مرۆیی وشەرعیە وداوای سەرچەوەی ژیان ئەرا هەزاران ئەندام قوربانیدەر کەێد لە روی رخبەرترین سەنگەرەیل تیرۆر لە دەورگرد موقدادیە نزیک تەپەیل حەمرین.
