گەرمی واز لە ئەیلول نیارێد.. کەشوهەوای عراق لەی چوار رووژ بانانە
2023-09-20T10:46:43+00:00
شەفەق نیوز/ دەسەی کەشناسی عراق، ئمڕوو چوارشەممە، مەزەنەی کەشوهەوای وڵاتەگە لەی رووژەیل بانانە بڵاو کرد، و باس بەرزەبوین نوویگ لە پلەی گەرمی کرد.
دەسەگە لە بەیاننامەیگ رەسیە ئاژانس شەفەق نیوز وت: سوو پەنجشەممە، لە گشت وڵاتەگە ئاسمان رووشنە، و پلەی گەرمی لە ناوچەی ناوڕاس کەمیگ بەرزەو بوود، و لە ناوچەی باکوور و باشوور نزیک رووژ وەرجە خوەیە.
وتیش؛ رووژ جمعە، لە گشت وڵاتەگە ئاسمان رووشنە، و پلەی گەرمی لە ناوچەی باشوور کەمیگ بەرزەو بوود، ز لە ناوچەی باکوور و ناوڕاس نزیک رووژ وەرجە خوەیە.
وتیش؛ رووژ شەممە، پلەی گەرمی لە گشت وڵاتەگە نزیک رووژ وەرجە خوەیە.
دیاری کرد کە کەشوهەوای رووژ یەکشەممەی ئایندە، لە ناوچەی ناوڕاس و باشوور رووشنە، و لە ناوچەی باکوور نیمچە ئەورە، و پلەی گەرمی لە گشت وڵاتەگە نزیک رووژ وەرجە خوەیە.
