گەرمی لەی هەفتە ئەرا عراق گلەو خوەێد
2023-09-17T07:59:45+00:00
شەفەق نیوز/ دەسەی کەشناسی عراق، ئمڕوو یەکشەممە، کەشوهەوای وڵاتەگە لەی رووژەیل بانانە بڵاو کرد، و باس بەرزەبوین نوویگ لە پلەی گەرمی لەی هەفتە کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو دووشەممە، رووشنە و پلەی گەرمی لە گشت وڵاتەگە نزیک توومارەیل دویەکەس.
وتیش؛ رووژ سێشەممە، ئاسمان رووشنە، و پلەی گەرمی لە گشت وڵاتەگە نزیک رووژ وەرجە خوەیە.
وتیش؛ رووژ چوارشەممە، لە گشت ناوچەیل وڵاتەگە رووشن و خوەرە، و پلەی گەرمی لە ناوچەی ناوڕاس کەمیگ بەرزەو بوود، و لە ناوچەیل باکوور و باشوور نزیک رووژ وەرجە خوەیە.
دەسەگە وتیش: کەشوهەوای وڵاتەگە ئەرا رووژ پەنجشەممەی ئایندە رووشنە، و پلەی گەرمی لە بەشەیل ناوڕاس و باشوور نزیک رووژ وەرجە خوەیە، و لە بەش باکوور کەمیگ بەرزەو بوود.
