گەرمیان و زیقار بەرزەوبوین لە تووشهاتنەیل کۆڕۆنا تۆمار کەن

گەرمیان و زیقار بەرزەوبوین لە تووشهاتنەیل کۆڕۆنا تۆمار کەن
2021-07-27T11:47:23+00:00

شەفەق نیوز/ ئیدارەی گەرمیان لە هەرێم کوردستان بەرزەوبوین وەرچەویگ لە تووشهاتنەیل ڤایڕۆس کۆڕۆنا لە دویای جەژن قوربان وەخوەی دی، و دووپات کرد ک وەرگردن واکسینەگە کەمە.

 پارێزگای زیقاریش، زیاتر لە ٩٧٥ تووشهاتن وە ڤایڕۆسەگە تۆمار کرد و شمارەی خاسەوبویەیل رەسیە زیاتر لە ٧٢٠ لەماوەی ٢٤ ساعەت گوزەیشتە.

دکتۆر سیروان محمد جەمال ئەرا ئاژانس شەفەق نیوز وت: تووشهاتنەیل کۆڕۆنا لە دویای جەژن و گردەوبوینەیل وە رێژەی ١٥٪ بەرزەو بوی، و هەرچەن وەرگردن واکسینەگە خاسترەو بوی باوجی هیمان کەمە.

جەمال دیاری کرد ک شمارەی وەرگرەیل واکسین دژوە ڤایڕۆس کۆڕۆنا لە وە ئاست ٥٠ یا ٧٠ رووژانە بەرزەو تا بڕەسێدە زیاتر لە ٣٠٠ لە رووژیگ، وەلی هەمیش وە ئاست مەترسیە پەتاییەگە نییە.

جەمال وتیش؛ هیچ کەمییگ لە واکسینەیل و بوتڵەیل ئۆکسجین نییە، و رەوش کۆڕۆنا لە گەرمیان هالە ژیر کۆنتڕۆڵ و باس چەسپانن ریکارەیلیگ ئەرا نواگردن بەرزەوبوین تووشهاتنەیل وە قەیەغەکردن هەر گردەوبوینیک کۆمەڵایەتی یا بۆنەیلیگ تر.

وەرەو باشوور عراق، پەیامنێر ئاژانس شەفەق نیوز لە زیقار وت: پارێزگاگە ٩٧٧ تووشهاتن نوو وە ڤایڕۆس کۆڕۆنا لە ماوەی ٢٤ ساعەت گوزەیشتە لە بنچینەیڵ٣١٣٦ تاقیکردنەوە تۆمار کرد، و شمارەی خاسەوبویەیل رەسیە ٧٢٣ کەس، و مردنەیلە بوینە ٦.

وتیش؛ گشت ژمارەی تووشهاتنەکان لە پارێزگاگە تا ئیسە رەسیە ٦٩٨٨٧ تووشهاتن، و شمارەی خاسەوبویەکان رەسیە ٦١١٤٣.

پەیامنێرەگەمان وتیش؛ گشت ژمارەی مردنەیل لەوەخت بڵاوبوین پەتاگە لە پارێزگاگە رەسیە ١٢٤٨.

Shafaq Live
Shafaq Live