پەرلەمان ئەرا بڕیارداین تاوانە ئەلیکتڕۆنیەگان جوولە کەێد
شەفەق نیوز/ دەسەی ئەمن و وەرگری لە پەرلەمان، ئمڕوو پەنجشەممە، راگەیان میوانیکردن وەرپرسەگان لە دەزگای ئاسایش نیشتمانی ئەرا باسکردن یاسای دژە تاوانە ئەلیکتڕۆنەگان لە ئامادەکردن ئەرا بڕیارداینی لە دانیشتنەیل هاتگ ئەنجومەن نۆێنەران.
عەلی غانمی ئەندام دەسەگە ئەرا ئاژانس شەفەق نیوز وت؛ شەوەکی ئمڕوو وەئامادەبوین حەسەن کەعبەی جیگر یەکەم سەرۆک پەرلەمان کۆبونەوەیگ کریا وە میوانیکردن ژمارەیگ لە وەرپرس و پسپۆڕەگان لە دەزگای ئاسایش نیشتمانی ئەرا باسکردن لە تەوەرەیل یاسای دژە تاوانە ئەلیکتڕۆنیەگان.
وتیش؛ لە کۆبونەوەگە گووش گریا لە تێبینەیل وەرپرس و پسپۆڕەگان لە مادەیل یاساگە و توانای جیگر کردن و جیوەجیکردنی.
غانمی دیاریکرد ک یاسای دژە تاوانە ئەلیکتڕۆنەگان ئەوەسا کەفێدە ناو خاسترین یاسایل جهانی، و ئاماژە کرد ک هاووڵاتی عراقی خوەی یەکەم سوودمەنە لە بڕیاردانی.
هەمیش وت؛ گشت تێبینی و پێشنیارەگان خریانە وەرچەو، ئەرا دانانیان لە ئامادەکردن بڕیارداین یاسای دژە تاوانە ئەلیکتڕۆنیەگان لە دانیشتنەیل هاتگ لە ئەنجومەن نوێنەران.
