"قاقەز چەرمگ".. پەرلەمان عراق تەنیا چارەسەرییگ نشانەکەێد ئەرا قەیران مووچەگان
شەفەق نیوز/ دەسەی دارایی لە پەرلەمان عراق، ئمڕوو چوارشەممە، دووپاتکرد ک چارەسەری قەیران مووچەی فەرمانبەرەیل دەوڵەت عراق لە ری بڕیارداین «قاقەز چاکسازی چەرمگ » کریەێد.
ناجی سعێدی ئەندام دەسەگە ئەرا ئاژانس شەفەق نیوز وت: قاقەز چەرمگ چاکسازیەگە لە لەشان سیاسەت دارایی و سیاسەت پویلی، ودیاریکرد ک ئی قاقەزە پەیاکردن داهاتەیل ئابووری راەسیگ هاناوی ئەرا پاڵپشتی داهاتە داراییەگان ئیسە، وکەمکردن خەرج نا گرنگ ئیسە.
سعێدی دیاریکرد ک قاقەزە چەرمگەگە باس لە بۆچوون دویارووژ حکومەت عراق کەێد وەهاوکاری وەگەرد ئەنجومەن نوێنەرەیل ئەرا کۆتایی هاوردن قەیران مووچەی فەرمانبەرەیل،وهەمیش ئەو قەیرانە دارایی و ئابووریەگان، و ئی قاقەزە بەشیگ لە چارەسەریەگە نیە بەڵکم خوەی گشت چارەسەریەگەس.
وتیش: دویای بڕیارداین قاقەز چاکسازی لە ماوەی ئایندە، ئەوەسا لەلایەن پەرلەمان عراق چەودیری لە جیوەجیکردنی کریەێد، و ئەوەسا ئاست رک حکومەتەگە دوینێمن لە جیوەجیکردن ئی قاقەزە، و وەپێچەوانەی ئەوە هەڵوێست بەیمن.
