کەربەلا… پویچەوکردن تووڕیگ بازرگانیکردن وە هووشبەر کە زیاتر لە یەک کیلوگرام لە مادەی "کریستال" وەپیان بویە
2023-08-13T08:02:43+00:00
شەفەق نیوز/ وەڕیەوبەرایەتی گشتی کاروبار مادەی هووشبەر لە وەزارەت ناوخوەی عراق، ئمڕوو یەکشەممە، خەوەردا لە پویچەوکردن تووڕیگ بازرگانیکردن وە مادەی هووشبەر لە پارێزگای کەربەلا.
وەڕێوبەرایەتیەگە ئمڕوو لە بەیاننامەیگ راگەیان، لەری چالاکییگ وەلایەن هێز دژە مادەیل هووشبەر لە کەربەلا، سێ بازرگان مادەی هووشبەر دەسگیرکریا و دەسنریا وەبان یەک کیلوگرام لە مادەی هووشبەر کریستال ک وەپیان بویە لە پارێزگای کەربەلا.
وەپای بەیاننامەگە، وە بڕیار دادوەر ئەرا وەرگردن سزای دادپەروەرانەیان زیندانیکریان.
