رانندەی بارهەڵگریگ پەک پیەڵ هاتوچویگ لە مووسڵ خەێد

شەفەق نیوز/ وەرپرسیگ ناوخوەیی لە نەینەوا، ئمڕوو چوارشەممە، خەوەردا رانندەی "بارهەڵگریگ" تویش زەخمداری سەختیگ بویە لە ئەنجام لەیەکدانی وەگەرد پیەڵ هاتوچویگ لە باشوور پارێزگاگە و پەکی خستیە. 

وەریەوبەر ناحیەی حەمام عەلیل خالد تەحتوح وە ئاژانس شەفەق نیوز وت، ماشین بارهەڵگریگ ئمڕوو تویش لەیەکدان بویە وەگەرد پیەڵ هاتوچو سانیەیگ ک ئاوای شەریفات وە ئاوای موسا حوران بەسێد لە ناحیەگە سەر وە قەزای قیارە باشوور مووسڵ. 

ئاشکەرایکرد، لە ئەنجام رویداوەگە رانندەگە تویش زەخمداری سەختیگ بویە ئەرا خەسحانە کلکریایە، پیەڵەگەیش لە خزمەتگوزاری پەکی کەفتیە.