ئیران دووارە کارەبا لە دیالە بڕێد
شەفەق نیوز/ سەرچەوەیگ حکومەتی لە دیالە، ئمڕوو چوارشەممە، خەوەردا ک لایەن ئیرانی لە دوێەکەو دوو هێڵ کارەبا لەبان دیالە بڕی.
سەرچەوەگە ئەرا ئاژانس شەفەق نیوز وت: لایەن ئیرانی دوو هێڵ دیالە - میرساد ٤٠٠ کەی ڤی، و هێڵ خانەقین - سەرپوڵ زەهاو ١٥٠ کەی ڤی بڕیە، لەوەر هووکارەیل نادیاریگ.
ئەراوە، چالاکوانەیل و هاوڵاتییەیل خانەقین دیرن ئامادەکاری ئەرا خۆپیشاندانیگ ناڕەزایی ئەرا ئیوارەی ئمڕوو شەممە، کەن لەوەر خراوی کارەباگە لە گشت قەزاگە.
وەگورەی سەرچەوەیگ لەناو ئاماداکارەیل ناڕەزایەتیەیلە ئەرا ئاژانس شەفەق نیوز وت: نیاز و بانگوازیگ هەس ئەرا بڕین ری مەنزەریە و پەرویزخان سنوری وەرەو خوار خانەقین، تا جەختیگ بکریەێد بان لایەن ئیرانی و حکومەت عراق تا کارەبای شارەگە باێدەو.
خەڵکەگەیش ئەرا ئاژانس شەفەق نیوز وتن: لە ماوەی ٤٨ ساعەت گوزەیشتە تەنیا ٧ ساعەت کارەبا هاتگە، گ بویە هووکار گرفتەیل گەورەیگ لە حانەقین، و پەک کار و بەرژەونەیویل ژیانی خست.
