ئیران ئاشکرای هووکار کەمکردن هەناردەی غاز ئەرا عراق کرد
2023-07-11T07:54:53+00:00
شەفەق نیوز/ وەڕیەوەر تووڕ بەشەوکردن لە کۆمپانیای نیشتیمانی غاز ئیرانی محەمەد رەزا جولائی، ئمڕوو سێشەممە، هووکار داوەزین رێژەی هەناردەیل غاز وڵاتەگەی ئەرا عراق گلەودا ئەرا پەککەفتن تەکنیکی.
ئاژانس"فارس" نیمچە فەرمی ئیرانی لە زوانی جولائی راگەیان،" گیچەڵیگ لە تووڕ غاز خوەرئاوای وڵاتەگە بویەسە هووکار داوەزین هەناردەیلی ئەرا عراق وە نزیکەی 5-10 ملیۆن مەتر چوارگوشە لە رووژیگ لەماوەی چەن رووژ گوزەشتە".
وتیش" هەناردەیل غاز ئەرا عراق وەردەوامە و وەردەوامیش مینێد، باوجی لەوەر گەرمی تونیگ لەناوچەیل باشوور و باشوور خوەرئاوای وڵات کارایی کەلوپەلەیل کەرت بەرهەمهاوردن و گواستنەوە وسیایە و کاریگەری نەرێنی دروسکردیە لەبان گواستنەوەی غاز ئەرا تووڕ غاز خوەرئاوای وڵات".
جولائی وتیش، " رووژانە هەناردەیل مامناوەنیگ غاز کریەد ئەرا عراق ک لە مانگ گوزەشتە 30 مەلیۆن چوارگووشە بوی و ئیرنگە ئەو شمارە رەسیەس ئەرا 21 مەلیۆن چوارگووشە لەماوەی ئی مانگە".
