ئەرا چوارەم رووژ لەشوون یەک.. داوەزین نرخ دۆلار لە بەغداد و کوردستان
2021-02-25T07:49:52+00:00
شەفەق نیوز/ ئمڕوو پەنجشەممە، ٢٥ شوبات ٢٠٢١ ، نرخ دۆلار لە بۆڕسەی سەرەکی لە بەغداد و هەرێم کوردستان داوەزیا.
پەیامنێر ئاژانس شەفەق نیوز وت: بۆڕسەی کیفاح وحارسیەی ناوەندی ئمڕوو، ١٤٥٣٥٠ دینار عراقی وەرانوەر ١٠٠ دۆلار ئەمریکی تۆمار کردن.
دوێەکە چوارشەممە بۆرسەی کیفاح ناوەندی لە بەغداد ١٤٥٥٠٠ دینار عراقی تۆمار کرد.
پەیامنێرەگەمان ئاماژە کرد ک نرخ فرووشتن و سەنەین لە بازاڕە ناوخۆیەگان لە بەغداد داوەزیا ک نرخ فرووشتن رەسیە ١٤٥٧٥٠ دینار عراقی، ونرخ سەنین رەسیە ١٤٤٧٥٠ دینار وەرانوەر ١٠٠ دۆلار ئەمریکی.
لە هەولێر پایتەخت هەرێم کوردستان نرخ فرووشتن دۆلار داوەزین کەمیگ وەخوەی دی ک رەسیە ١٤٥٥٠٠ دینار وەرانوەر ١٠٠ دۆلار، و نرخ سەنین بەرزەو ئەرا ١٤٥٥٠٠ دینار وەرانوەر ١٠٠ دۆلار ئەمریکی بەرزەو بوی.
